Thursday, November 8, 2012

കൃത്യനിഷ്ഠ








രാവിലെ എണീറ്റാലുടനെ
ഒരേഴു കിലോമീറ്ററെങ്കിലും
ഞാനോടും, സ്കൂട്ടറില്.
എന്നിട്ടേ,പച്ചവെള്ളം
പോലും കുടിക്കൂ!

Tuesday, October 2, 2012

94 Minutes...


Never in my life have I had a terrible panic attack while watching a movie. I felt like shooting down Danny Boyle lest he should make similar movies again and hold us on like grim death. Usually I pin myself back for the movies so that I do not miss anything. I have then an alter ego intermittently knocks at me and reminds to keep cool and knock down the rest as these are movies. In the case of '127 hours'  it was a different experience. It could be either I wouldn't wake up from my sleep or woe betide I might remember only the dense air I exhaled last and a sitting death with mouth open! If those stand sidelined temporarily I'm sure to have a nightmare of sliding through narrow chasms with steep canyon walls or standing on a colossal spring swinging back and forth asking for my life. 

No exaggerations!  '127 Hours' is a breath-taking movie.

And you, like Aron Ralston, will no doubt resolve to keeping people informed about your destinations in order to avoid throwing a hand up  in horror.

Shoot stands postponed and only if he  does make anything lesser than this!



Thursday, August 16, 2012

Arangetram

The chimes of these children's laughter and the soft talks at the dance corridor is now giving way to a serious performance at Mc Intyre Theatre of Mohawk College, Hamilton, tomorrow. Suja's two of the senior disciples, Aiswarya Sajeev and Padmini Unni have something up their sleeves and ready for surprising  Ontarians with their rhythmic constructions and facial expressions.

Best wishes, young terpsichoreans! You'll certainly go places.

Thursday, June 28, 2012

ഒരു ദളിത് അപനിര്‍മ്മാണം


ഗാന്ധിയെ  2012 ല്‍ വിവസ്ത്രനാക്കുന്നതില്‍ സാംഗത്യമില്ല. അദ്ദേഹം ജീവിച്ചിരുന്ന കാലവും, സാമുഹ്യപരിതസ്ഥിതികളും, മാനുഷികാവസ്ഥയും എല്ലാം കണക്കിലെടുക്കേണ്ടതുണ്ട്. 'തെറ്റാവരം' സിദ്ധിച്ച ഒരു 'ദൈവതുല്യനൊ'ന്നുമായിരുന്നില്ല അദ്ദേഹം.മനുഷ്യസഹജമായ  ബലഹീനതകളൊക്കെയുണ്ടായിരുന്ന ഒരു സാധാരണ മനുഷ്യന്‍. നമ്മുടെ പിതാക്കന്മാര്‍ക്കും, പിതാമഹന്മാര്‍ക്കും കഴിയാതിരുന്നൊരു നേതൃപാടവത്തിനുടമയായിരുന്നു അദ്ദേഹം എന്നുള്ളത് ചരിത്രം തെളിയിച്ച വസ്തുതയാണ്‌. (അദ്ദേഹത്തെപ്പോലെ സ്വാതന്ത്ര്യസമരത്തില്‍ എടുത്തു ചാടാതിരുന്ന കന്ദസാമിയേയും, അദ്ദേഹത്തിന്‍റെ പിതാശ്രീയേയും നാളെ മീനാ കന്ദസാമി തെറി വിളിച്ചാല്‍ ആ അഭിപ്രായസ്വാതന്ത്ര്യത്തേയും നാം അംഗീകരിച്ചു കൊടുക്കണം)

അപനിര്‍മ്മാണസൗന്ദര്യത്തെക്കുറിച്ചുള്ള തെറ്റിദ്ധാരണകള്‍ വച്ച് വാറ്റിയെടുത്ത മീനയുടെ വിഭവം നാവില്‍ വയ്ക്കാന്‍ കൂടി കഴിയാത്തതായിപ്പോയി. എന്തും എഴുതിക്കൂട്ടി കവിതയുടെ ചട്ടക്കൂട്ടില്‍ തള്ളിക്കയറ്റിയാല്‍ അത് വൈകൃതമായി തന്നെ നിലനില്‍ക്കുമെന്ന് അവര്‍ നമുക്ക് കാണിച്ചു തരുന്നു.

ഇന്നലെ വരെ സുഗതകുമാരി നന്നായിരുന്നതു കൊണ്ടാണല്ലോ അവരെ പുസ്തകപ്രകാശനത്തിനു ക്ഷണിച്ചത്! സ്വന്തം വിശ്വാസത്തിനേയും ആദര്‍ശത്തിനേയും വിലയ്ക്കു വില്‍ക്കാതെ അവര്‍ പുസ്തകപ്രകാശനത്തില്‍ നിന്നു പിന്തിരിഞ്ഞപ്പോള്‍ ഇന്ന് അവര്‍ സവര്‍ണ്ണ-ഫാസിസ്റ്റ്-കവി ആയി.

എറിഞ്ഞു കളഞ്ഞ പന്ത്, ആള്‍ക്കൂട്ടത്തില്‍ മൂക്കളയൊലിപ്പിച്ചു നില്‍ക്കുന്ന കരുമാടിക്കുട്ടന്‍റെ കോണകത്തിനുള്ളില്‍ നിന്നും എടുത്തുകാണിക്കുന്ന ചെപ്പടിവിദ്യക്കാരന്‌ കിട്ടുന്ന ആള്‍ക്കൂട്ടവും കൈയ്യടിയും ധീരരക്തസാക്ഷിയുടെ ചിതാഭസ്മസ്വീകരണത്തിനു കിട്ടണമെന്നില്ല!

Thursday, May 31, 2012


കാവല്‍ക്കാര്‍


ആര്‍ക്കും വേണ്ടാതെ,
രാത്രിയുടെ ഒമ്പതരയ്ക്കും
ഇവിടെ
ഒരു കീറ്
പകല്‍ ബാക്കി,
ഒരു ശയ്യാഗാരമായി.

ഞാനും,
രാത്രി കാവലിനായി
അധികാരാഭിജാത്യത്തിന്‍
തോള്‍ നക്ഷത്രങ്ങളുമായി
ഒരു കുറുമ്പന്‍
ചെഞ്ചീരനും മാത്രം!

Thursday, May 17, 2012

A whisper of wind in the pines,
And too many of scandals
Waiting long for my horse,
Wondering who took'er away.

Saturday, April 28, 2012

അദ്വയം




വെറുതെ...
വെറുതേ പറയുകയാണ്‌,

എനിക്ക് ഞാനുണ്ടെന്നും
നിനക്ക് നീയുണ്ടെന്നും
പുരയ്ക്ക് തൂണുണ്ടെന്നും.

എന്നില്നിന്ന് ഞാനിറങ്ങിപ്പോകുന്നതും
നിന്നെക്കാത്ത് നീയിരിക്കുന്നതും
തൂണുകളില്ലാത്ത വീടുകളും
ഞാനെത്രയോ കണ്ടു!

തിരിച്ചുവന്ന നിനക്ക്
കയറാന്കഴിയാതിരുന്ന
പൊഴിച്ചിട്ട പടങ്ങള്ക്കും
എനിക്ക് വീണ്ടും കയറിക്കൂടാന്
ഞാനില്ലാതെ പോയതിനും

ഇപ്പോള്
നോക്കിനില്ക്കാനൊരു
ജാലകം പോലുമില്ലാത്ത
വീട് തന്നെയായിരുന്നു
സാക്ഷി.

Thursday, March 22, 2012

മേഘനാദന്‍


''നീങ്ങുന്നു ദൂരേ കഥകളിപ്പെട്ടികള്‍
നീലാഭ്രമേചക മേഘങ്ങള്‍ പോലവേ,
പാട്ടു കഴിഞ്ഞോരു ഗായകന്‍ വെച്ചതാം
ചേങ്ങില പോലെ മയങ്ങുന്നു ഭൂതലം.''

ധ്യാനലീനമാകുന്ന വില്വാദ്രി. സ്വയം വരമന്ത്രം ജപിച്ച് നൂറു കണക്കിനു മധുരപ്പതിനേഴുകാരികളെ കത്തിവട്ടത്തില്‍ കൂട്ടിപ്പിടിച്ചു നിറുത്തിയ ചാപ്പുണ്യാരുടെ കഥ ഇരുട്ടിനൊപ്പം ചുരുള്‍ നിവരുന്നു. ചെള്ളും കടിച്ച്, പകല്‍ മുഴുന്‍ ഈച്ചയാട്ടിയ ക്ഷീണത്തില്‍ പുറത്തു കിടക്കുന്ന കിഴവന്‍ നായയ്ക്കപ്പോള്‍ പാതിരാത്രിയുടെ മുറിഞ്ഞുവിഴുന്ന ഭീകരസ്വപ്നങ്ങള്‍!..> തേക്കിലയിലെ ഇഡ്ഢലിയി ല്‍ പഴയ വശീകരണ മന്ത്രത്തിന്‍റെ കടുകു വറുത്ത ചട്ട്ണിയൊഴിച്ചാണ്‌ നായര്‍ ആളെക്കൂട്ടുന്നതെന്നൊരു രഹസ്യം പരസ്യമാക്കി ഇടയ്ക്കിടെ അക്കരെ നിന്ന് കാറ്റ്.

'വന്ന വരവും ചെന്ന ചെലവുമായി ഇങ്ങനെ കണ്ടാലും കൊണ്ടാലും പഠിക്കാത്ത' കുഞ്ഞപ്പന്‍ കഴിഞ്ഞ ഒരാഴ്ചയായി എന്‍റെ മനസ്സു വിടാനുള്ള  ശ്രമമൊന്നും കാണുന്നും ഇല്ല.

തൂങ്ങിക്കിടക്കുന്ന കീശയില്‍, ഊരിവച്ച പല്ലുകള്‍ക്കിടയില്‍ നിന്ന് എനിക്കായി ഇപ്പോഴും കല്‍ക്കണ്ടക്കഷണങ്ങളും പല്ലിമിട്ടായിയും.....

Tuesday, January 31, 2012

Commercial 'Brake'
The chutzpah of the highest order ever heard in bilateral relations. Nothing less than stomachful, over the lunch with Palestinian authorities, the Canadian tag-team (John Baird - Foreign Affairs Minister and Jim Flaherty - Finance Minister) opened their mouths again, ''Get Stuffed with your campaign for state recognition at the UN and return to the negotiating table with Israel without any pre-conditions!''

Friday, January 13, 2012

ജനുവരി - 13/2012


കാറ്റില്‍ ഒന്നിച്ചുകൂടുന്ന ഹിമരാശികളില്‍ എന്‍റെ പിന്നാമ്പുറത്തെ കര്‍പ്പൂരതുളസികള്‍ ഉറക്കമായി. ബദാമും പേരയും ഇലകള്‍ കൊഴിച്ച്, തപസ്സിലായി. പക്ഷികളില്‍ ഏറിയ പങ്കും ത്രിരാത്രവ്രതങ്ങളെടുത്ത് ദക്ഷിണാവര്‍ത്തങ്ങളിലേയ്ക്ക് എത്ര മുമ്പേ പോയിക്കഴിഞ്ഞു. സജീവങ്ങളായിരുന്ന വേനല്‍ വര്‍ത്തമാനങ്ങളുടെ ഓര്‍മ്മകള്‍ക്കുമേല്‍ മഞ്ഞു പുതച്ച് തീന്‍മേശയും കൂട്ടുകാരും ഉറങ്ങിപ്പോയി. നേരത്തെ ഉറക്കം വിട്ടുണരുന്ന കുട്ടികളായി ഇവരെല്ലാം തിരിച്ചുവരും..

വെണ്മയുടെ പുതപ്പുകള്‍ മാറ്റി ആദ്യമുകുളങ്ങള്‍......... ......

പറന്നുതിരിച്ചെത്തുന്നവരുടെ ഗോളാന്തരവൃത്താന്തങ്ങള്‍.......

ബ്രഹ്മചര്യം വിട്ട് ഗൃഹസ്ഥാശ്രമികളാവുന്ന വൃക്ഷാവലികള്‍........

പറന്നും, മറന്നും പോയ മൊഴികള്‍ക്കായി കാതോര്‍ത്ത്, വീട് വീണ്ടും ശബ്ദായമാനമാകുന്നതോര്‍ത്ത്, അവിഘാതയാത്രകള്‍ക്കായി മനസ്സു നിറയെ പ്രാര്‍ത്ഥനകളുമായി, അവരാരുമറിയാതെ വഴിക്കണ്ണുകളില്‍ സുരക്ഷാകവചങ്ങളുമായി, നിദ്രാവിഹീനയായി ഇവിടെ ഒരമ്മ......

Tuesday, January 3, 2012

കൗപീനവാന്മാര്‍




ബഷീറിനെ ഒരു മുസ്ലീം മാത്രമായി ചുരുക്കേണ്ടത്,വായനയില്ലാത്ത നിരക്ഷരരായ മതഭ്രാന്തരുടെ അജന്‍ഡയാണ്‌...........

എന്നെസ് മാധവനെ വായിക്കത്തവരാണ്‌,ബഷീര്‍ വിമശനത്തിന്‍റെ പേരില്‍ അദ്ദേഹത്തെ മുസ്ലീം വിരുദ്ധനാക്കുന്നത്. ജാതിയുടെ പേരില്‍ മുസ്ലീങ്ങള്‍ പീഡനങ്ങളേറ്റു വാങ്ങിയപ്പോളൊക്കെ, ശക്തമായ രീതിയില്‍ കഥകളിലൂടെ പ്രതികരിച്ച അദ്വിതീയനായ എഴുത്തുകാരനാണ്‌ എന്നെസ് മാധവന്‍....

(കലാപഭൂമിയില്‍ നിന്ന് ഓടിയൊളിച്ചിട്ട്, താമ്രപത്രവേദികളില്‍ അഹമഹമികയാ ഇടിച്ചുകയറുന്നവര്‍ക്ക് ഇത്തരുണത്തില്‍ നാം ആദരാഞ്‌ജലികള്‍ അര്‍പ്പിക്കുക!)

മദ്യപിച്ച്, തീവണ്ടിയില്‍ വച്ച്, മര്യാദയില്ലാതെ ബാലചന്ദ്രന്‍ ചുള്ളിക്കാട് സംസാരിക്കുകയും ഗുപ്തന്‍ നായര്‍ ഇരിപ്പിടം വിടുകയും ചെയ്തത് രണ്ടാളുടെയും പ്രവര്‍ത്തനരീതികളാണ്‌... അതിലൂടെ താന്‍ ചെയ്തത് മഹത്തരമെന്നും ഗുപ്തന്‍ നായര്‍ക്ക് ഉത്തരം മുട്ടിയെന്നും ബാലചന്ദ്രന്‍ കരുതുന്നുണ്ടെങ്കില്‍ ആ 'സ്വയംകൃതസാര്‍ത്ഥകത'യെ ഓര്‍ത്ത് അദ്ദേഹം സമാധാനിക്കട്ടെ. (എന്നെസ് മാധവന്‍ ഐ എ എസ്സായതില്‍ സഹതപിക്കുന്നവര്‍ നമ്മുടെ യുവമഹാകവി കോണ്‍ഗ്രസ് പത്രത്തില്‍ ജോലി ചെയ്തത് മറക്കരുത്) മദ്യപിച്ചും അലഞ്ഞുതിരിഞ്ഞും പട്ടിണി കിടന്നും മാത്രം സാഹിത്യമെഴുതുന്നവന്‍ മാത്രമേ ലോകോത്തരം എഴുതൂ എന്നൊന്നും ആരും വാശി പിടിക്കരുത്.)

ബഷീര്‍ എഴുതുന്നതല്ല മാധവന്‍ എഴുതുന്നതെന്നു നാം മനസ്സിലാക്കണം. അതുകൊണ്ടു തന്നെ രണ്ടെഴുത്തുകള്‍ താരതമ്യത്തിനെടുക്കരുത്. ലാവണങ്ങളിലിരിക്കെ വിവരം കെട്ട രാഷ്ട്രീയമേലധികാരികളുടെ തുഗ്ലക്കിയന്‍ തീരുമാനങ്ങള്‍ക്കു മുമ്പില്‍ പഞ്ചപുച്ഛമടക്കി, അമ്പത്തെട്ടിലോ അറുപതിലോ അടുത്തൂണ്‍ പറ്റിക്കഴിഞ്ഞ് ഒരു'എക്സ്പോസിംഗ് സര്‍വ്വീസ് സ്റ്റോറി'യെഴുതുന്ന മഹാന്മാരില്‍ നിന്നും എത്രയോ മുമ്പിലാണ്‌,'തിരുത്തും','വന്മരങ്ങള്‍ വീഴുമ്പോളും','നിലവിളി'യും എഴുതിയ എന്നെസ്സ് മാധവന്‍....!......... കാരണം,അതെഴുതിയത് അദ്ദേഹത്തിന്‍റെ സര്‍വ്വീസ് കാലഘട്ടത്തില്‍ തന്നെയാണ്‌..../....

ചിന്തകള്‍ക്ക് നേരിട്ട് അക്ഷരം കൊടുത്തയാളാണ്‌,വൈക്കം മുഹമ്മദ് ബഷീര്‍... ആനവാരിയും, പൊന്‍ കുരിശും,എട്ടുകാലിയും,മണ്ടനുമൊക്കെ ഒരു ഗതകാലകേരളഗ്രാമത്തിന്‍റെ മുഖചിത്രങ്ങളാണ്‌.... (ഇന്നാണെങ്കില്‍ രാമന്‍ നായരെക്കൊണ്ട് ആനയെ വാരിക്കാന്‍ ഒരു ബഷീര്‍ ഇറങ്ങിയാല്‍ കുമ്മനത്തുനിന്നും പെരുന്നയില്‍ നിന്നും ഗുജറാത്തിലെ ഗാന്ധിനഗറില്‍ നിന്നുമൊക്കെ പന്തംകൊളുത്തിപ്പടകള്‍ പുറപ്പെടുകയായി. വെള്ളാപ്പള്ളി പറയുന്നതു വരെ നമുക്ക് ദണ്ഡപാണിയുടെ ജാതി അറിയാമായിരുന്നോ? (കുരിശില്‍ ആണിയടിക്കപ്പെട്ട ക്രിസ്തുവും
കാറ്റ് കടക്കാത്ത, താക്കോല്‍ രഹിതമായ ചില്ലുകൂട്ടില്‍ ഒതുക്കപ്പെട്ട ശ്രീനാരായണനും പുറത്തുവരാതിരിക്കാന്‍ തന്നെയാണ്‌ നാം അങ്ങനെ ചെയ്തത്. കാരണം, ചോദ്യങ്ങളെ നമുക്കൊരിക്കലും ഇഷ്ടമല്ലായിരുന്നു. ഒന്നും ചോദിക്കാത്ത കുട്ടികളെ ഇഷ്ടപ്പെട്ടിരുന്ന അദ്ധ്യാപകര്‍ ആയിരുന്നു നമ്മളെ ആദ്ധ്യാത്മികം പറഞ്ഞ് പേടിപ്പിച്ച് ഭരിച്ചിരുന്നത്.ജാതി ചോദിക്കരുതെന്ന് പറഞ്ഞയാളിന്‍റെ പേരില്‍ ജാതിസംഘടനയുണ്ടാക്കി തൂണിലും തുരുമ്പിലും ജാതി കണ്ടെത്തിയവര്‍!...
ഇടയ്ക്ക് ഗുരുവചനങ്ങളെ ഓര്‍മ്മപ്പെടുത്തിയവരെ കുടത്തിലടച്ച് സമുദ്രത്തിലെറിഞ്ഞ നേതാക്കന്മാര്‍.../...//. .///////////

ഒരു സാധാരണ കമ്യൂണിസ്റ്റിന്‍റെ ഉല്‍ക്കണ്ഠകളാണ്‌ 'നാലാം ലോക'ത്തിലൂടെ എന്നെസ്സ് എന്ന കമ്യൂണിസ്റ്റ് പങ്കുവച്ചത്. പാഠങ്ങളെക്കുറിച്ച് നിരവധി ചോദ്യം ചെയ്യലിലൂടെ വളര്‍ന്ന നാം ഒരു ചോദ്യം നേതാക്കളുടെ മുമ്പില്‍ വച്ചതിന്‍റെ പേരില്‍ പാര്‍ട്ടിക്ക് അനഭിമതനാവാന്‍ പാടില്ല. സ്ഥാനഭ്രഷ്ടരുമാകാന്‍ പാടില്ല. ജന്മം കൊണ്ടുമാത്രം ഹിന്ദുവായ ഒരു സാഹിത്യകാരനെ ജന്മം കൊണ്ടുമാത്രം മുസ്ലീമായ ഒരു സാഹിത്യകാരന്‌ വിമര്‍ശിക്കാനുള്ള സ്വാതന്ത്ര്യം ഇന്നാട്ടിലുണ്ടായേ പറ്റൂ. തിരിച്ചും അങ്ങനെ തന്നെയാവണം. (തിരുവനന്തപുരത്തുള്ള, ഒരാളെക്കുറിച്ചും ദുഷിച്ച് ഒരുവാക്കു പോലും ഇന്നേ വരെ പറയാത്ത ഒരു പാവം പെണ്‍കവി (കവയിത്രി എന്ന പ്രയോഗമിപ്പോള്‍ പൊളിറ്റിക്കലി ഇന്‍കറക്റ്റ് ആണല്ലോ!) യെ വയസ്സിന്‍റെ പേരില്‍ കുതിരകയറാന്‍ ചെന്നപ്പോള്‍, കേരളക്രൈസ്തവര്‍ യുവമഹാകവിക്ക് മേല്‍ ഉപരോധം ഏര്‍പ്പെടുത്തിയില്ല എന്നതും ഇവിടെ സ്മരണീയമാണ്‌..!))) ) )) ജാതിയും മതവുമില്ലാതെ ജനപ്രതിനിധിയായവന്‍റെ തലയില്‍ പിന്നീട് ജാതിയുടെ തലപ്പാവുകളണിയിക്കരുത്. അത്, സാധാരണ സമ്മതിദായകന്‍റെ തെരഞ്ഞെടുക്കാനുള്ള അവകാശത്തിന്‍റെ മേലുള്ള കടന്നുകയറ്റമാണ്‌..

ഇത്, മതം മാറി വിവാഹം കഴിക്കുന്നത് പോലെയുള്ള തട്ടിപ്പാണു്‌... ..... മതം നമ്മുടെ തെരഞ്ഞെടുപ്പ് അല്ലാത്തിടത്തോളം കാലം മതം മാറ്റത്തിന്‍റെ സാംഗത്യമെന്താണ്‌? (പെണ്‍കുട്ടിയെ, നിര്‍ബ്ബന്ധിച്ച് മതം മാറ്റി വിവാഹം കഴിച്ചിട്ട് ഭാര്യയുടെ ജാതി ആഘോഷിക്കുന്ന, ഗള്‍ഫിലുള്ള ഒരാളെ എനിക്കറിയാം.അയാള്‍ക്ക് അതാഘോഷിക്കാനുള്ള അര്‍ഹതയുണ്ടോ എന്ന് നിങ്ങള്‍ തന്നെ തീരുമാനിക്കുക)

മതം ഒരിക്കല്‍ പോലും ഒരു ഉത്സവമാക്കാതിരുന്ന ബഷീറിനേയും മാധവനേയും ഇപ്പോഴെന്തിനാണു നാം മുസ്ലീമും ഹിന്ദുവുമാക്കുന്നത്? അതവസാനത്തെ ആയുധമാണ്‌.: ജാതിയും മതവും ആവനാഴിയിലെ അവസാന ആയുധമാണ്‌. മറ്റൊന്നും ലക്ഷ്യവേധിധികളാകാതെ വരുമ്പോള്‍ പ്രയോഗിക്കപ്പെടുന്ന അവസാന ആയുധം. (വടക്കേയിന്ത്യയിലും ഗള്‍ഫിലും ഈ ആയുധം നമ്മള്‍ മലയാളികള്‍ അവസാന പാരയായി ഇത് പ്രയോഗിക്കാറുണ്ട്. ഇരയുടെ തലയുമെടുത്തേ അത് പോകാറുമുള്ളു!)

ആകെയുള്ള ഒരു കൗപീനം പുരപ്പുറത്തിട്ട് ഉണക്കുന്നവര്‍ ഓര്‍മ്മിക്കുക,അതെടുത്ത് വീണ്ടും ഉപയോഗിക്കണമെങ്കില്‍ ഒന്നുകില്‍ രാത്രിയാവണം അല്ലെങ്കില്‍ നഗ്നനായി പുരപ്പുറത്തു കയറണം. 'ജാതിഭ്രാന്തും, വര്‍ഗ്ഗീയതയും, നീചബുദ്ധിയും' ഗുപ്തന്‍ നായര്‍ എവിടെ എങ്ങനെയൊക്കെ പ്രകടമാക്കി എന്നുപറയണം. ഐഏ എസ്സിനെ മാറിനിറുത്തി, ഒരു സാഹിത്യകാരന്‌ ഏതൊക്കെ ജോലികള്‍ 'ആത്മാഭിമാന'ത്തോടെ ചെയ്യാന്‍ പറ്റും എന്ന് വ്യക്തമാക്കണം.

എന്നും കുഞ്ഞായിരുന്ന അബ്ദുള്ള

തെങ്ങോലത്തലപ്പുകള്‍ തൊട്ടുനിൽക്കുന്ന  ഒരു തടിക്കൊട്ടാരമാണ്‌ മധുവേട്ടന്‍റെ  ശംഖുമുഖത്തെ വീട്. മുമ്പിലൊരു കൊച്ചുവഴി. വഴി അതിരിടുന്നത് വിമാനത്...

നഗരഘോഷകൻ